اے مُلخ ہے مُچ نظارے دا
سوھنڑے سُچے تے مِٹھے اے ھزارے وال
دکھ درد بِچ رہندے جہڑے نال نال
اے ٹُکڑا چن تے تارے دا
میرا سوھنڑاں دیس ھزارے دا
ھریپور اِتھا تے ٹھنڈا ایبٹ آباد اِتھا
کوہستان اِتھا تے سانجامانسہرہ اِتھا
اے مُلخ اے پُھلاں دے کھارے دا
میرا سوھنڑاں دیس ھزارے دا
اِتھا ٹھنڈیاں ہواواں کاغان دیاں
تے اُچیاں اے چوٹیاں ناران دیاں
ساوا سبزہ پکھل کنارے دا
میرا سوھنڑاں دیس ھزارے دا
لُو چلدی اے جدوں پنجاب دے بِچ
ٹھنڈا ہوندا اے موسم اس ھزارے بِچ
یاد آندا ہے موسم فیر اس مُلخ پیارے دا
میرا سوھنڑاں دیس ھزارے دا
میں سارے پاسے پِھر آئیاں تے ساری دُنیا دیکھ آئیاں
میں چین گیاں جاپان گیاں پَر مُڑ کے پاکستان گیاں
کوئی ہور وطن نہی مڑے گزارے دا
میرا سوھنڑاں دیس ھزارے دا
رب دِتاہے حُسن اس کو رج رج کے
غیرتمندرہندے اِتھا گج وَج کے
پنجواں صوبہ ہے صوبہ ھزارے دا
میرا سوھنڑاں دیس ھزارے دا
مُچ مزوریاں کیتیاں نے تے ہونڑیاد وطناں دی آئی ہے
ساہ مُک گئے نے اَتھرو سُک گئے نے اساں تدہی ٹکٹ کٹائی ہے
تربیلہ ڈیم جُلساں ٹھنڈیانی دیکھساں کباب کھاساں قلندرآباد بازارے دا
میرا سوھنڑاں دیس ھزارے دا
کاغان جُلساں ناران جُلساں میں تھاکوٹ بٹل تے بٹگرام جُلساں
شنکیاری جبوڑی تے ڈاڈر دی سیر توں بعدمیں سِدا اپڑیں گَراں جُلساں
ہونڑارمان اے ہی ہے اس عِشق بیمارے دا
میرا سوھنڑاں دیس ھزارے دا
جُل جُلاں خالد ھزارے کو
ٹھنڈے مِٹھے تے سُچے نظارے کو
No comments:
Post a Comment